Hemen zaude: Hasiera / Albisteak

Albisteak

ZingiZango: azken jolasa, azken agurra

2018/12/03 21:29
ZingiZango euskara elkartekook jolasean esan nahi izan dugu agur. Hau izango da webgunean argitaratuko den azken albistea. Urtarrilaren 2ra arte ikusgai egongo da eta, gero, webgunea desagertu egingo da. Eskerrik asko, hamaika urteotan ZingiZangori ekarpena egin diozuen elkarte, erakunde eta ehunka legazpiarri. Bukatzeko, beraz, honakoak izan dira jolasaren irabazleak:
ZingiZango: azken jolasa, azken agurra

Kale Nagusian azaldu den margoa

Maip Diop eta Patxi Aristimuño.

Errigoraren saski bana jaso dute gaurko sari banaketan. Horretarako jolasean 20 izen edo gehiago asmatu behar zituzten. Hauxe zen erantzun zuzena:

1) Agurtxo Aramendi

2) Agurtzane Elustondo

3) Amaia Aranguren

4) Ane Beloki

5) Begoña Mujika

6) Dominika Dabrowska

7) Edurne Goikoetxea

8) Elena Aseginolaza

9) Elena Markotegi

10) Idoia Zubizarreta

11) Irene Paredes

12) Itsaso Olabide

13) Joakin Balerdi

14) Joseba Barandiaran

15) Julen Agirreburualde

16) Karmele Arruebarrena

17) Kloti Osinalde

18) Luis Viana

19) Maria Pilar Makibar

20) Maria Gutierrez

21) Maria Luisa Mendizabal

22) Nerea Uria

23) Olga Lasa

24) Patxi Caballero

25) Pepe Saenz de Argandoña

26) Primi Murgiondo

27) Xabier Aztiria

28) Xabier Barriola

29) Zaida Casales

30) Arantxa Lizarralde

 

Euskaraldia Legazpin: bukaera-ekitaldia

2018/12/03 21:15
Hona gaurko ekitaldiaren argazkia eta Euskaraldiaren hamaika egunen Legazpiko laburpen-bideoa eta Gotzon Aranburuk gaurko ekitaldian jasotakoekin Hitzarako egindakoa.
Euskaraldia Legazpin: bukaera-ekitaldia

Taldeko argazkia (Gotzon Aranburu)

Gaurko ekitaldia, Gotzon Aranburuk Hitzarako ondutakoa:

Ekitaldiaren bukaeran erakutsitako bideoa:

 

EHUko informazio jardunaldia

2018/12/03 16:17
Abenduaren 12an, 18:30ean, izango da, Kultur Etxean. Hauxe da Hezkuntza eta Gazteria Sailak bidalitako oharra:

15. urtea da Euskal Herriko Unibertsitatea (UPV/ EHU)  Legazpiraino gerturatzen dela Urola Garaia Mankomunitateko ikasle eta familiengana bere eskaintzaren berri emateko.

Jardunaldi honen helburua da etorkizuneko unibertsitate-ikasleen arteko lehen harremana bideratzea, baita Unibertsitate honi buruzko informazio orokorra eskaintzea eta ikasleek gogoko dituzten unibertsitate-ikasketen gainean erabakiak hartzeko zalantzak argitzea ere.

EH Bildu: herri batzarra, abenduaren 11n

2018/12/02 14:03
Legazpiko EH Bilduk, abenduaren 11n, herri batzarra egingo du. Hauxe da antolatzaileen oharra:

Legazpiko EH Bilduk abenduaren 11n, asteartea, HERRI BATZARRA antolatu du.

Batzarrean, EH Bildu komunitatea garatzeko aplikazio informatikoa aurkeztuko da eta datorren urteko maiatzaren 26ean burutuko diren Udal Hauteskundeak prestatzeari ekingo diogu.

EH Bilduren ideiekin bat egiten duten legazpiarrak gonbidatuak daude, abenduaren 11n, kultur etxeko areto nagusian, 19:00etan, burutuko dugun Herri Batzarrean parte hartzera. Batzarrak ordu eta erdi inguru iraungo du eta honako hau da gai-ordena:

>Kokapen politikoa.

>EH Bildu komunitatea: aplikazio informatikoaren aurkezpena.

>Udal hauteskundeak: alkategaiaren hautaketa.

Ilintxa, Euskaraldian

2018/12/02 13:55
Ilintxak Euskaraldiarekin bat eginez egindako argazkiak bidali dizkigu.
Ilintxa, Euskaraldian

(kilik egin)

Ilintxa futbol taldeak bat egin du Euskaraldia ekimenarekin. (klik egin argazkien gainean)

Hemen dauzkazue argazki gehiago.

Maddalen Iriarterekin solasean

2018/12/02 13:48
EH Bilduk antolatuta, ostiralean, Maddalen Iriarte politikaria izan zen Legazpin. Antolatzaileek kronika labur bat eta argazkia bidali dizkigute.
Maddalen Iriarterekin solasean

Maddalen Iriarteren hitzaldia, Aitxurin

Maddalen Iriarte EH Bilduko legebiltzarkide eta EITBko kazetari ohiak hitzaldia eskaini zuen ostiralean Aitxuri Jatetxeko jangela nagusian. Jangelako aulki guztiak entzulez bete ziren eta zenbaitek zutik jarraitu behar izan zituzten Maddalen Iriarteren hitzak.

Gai asko landu zituen Iriartek Joseba Barandiaran ekonomialariak eta Nekane Gonzalez kazetari legazpiarrak gidatuta. EAErako estatutu berriaren nondik norakoak, Kataluniako egoera, aurrekontuen inguruan indarrean dituzten negoziazioak, Osakidetza afera, pentsio proposamena eta maila pertsonalagoan, kazetaritzatik politikara egindako jauzia nolakoa izan den azaldu zituen.

Entzuleen galderei erantzunez, gaineratu zuen nazioa izatea ez dugula lortuko nazio bat garela esanez, herri gisa, nazio gisa jardunez baizik. Zentzu honetan pentsionisten borroka adibide eredugarritzat jarri zuen.

Ikatza: bazkideen ikusentzunezkoa

2018/12/02 11:43
Ikatzak abenduaren 14rako antolatutako ekimenaren berri bidali digu.
Ikatza: bazkideen ikusentzunezkoa

(Klik egin)

Bazkideen ikusentzunezkoa eskainiko dute, 20:00etan, Kultur Etxean.

Errigora saskiak iritsi dira

2018/11/30 18:30
Arantxa okindegiaren eta Haztegi ikastolaren bitartez egin dira eskaerak. Arantxa okindegian eskatu zutenek bertan dituzte saskiak. Guztira, 55 saski eskatu dira Legazpin. Nafarroaren hegoaldeko euskara laguntzeko erabiliko da dirua.
Errigora saskiak iritsi dira

Berriaren azaroaren 6ko azala

Euskal Herri osoan, 13.000 saski eskaera jaso dira eta, honenbestez, beste 162.500€ bideratuko dira Nafarroa hegoaldean ahobizi eta belarriprest berriak sortzen jarraitzeko ahaleginera.

Honako mezua zabaldu die Errigorak saskia eskatu duten legazpiarrei:

Kaixo, euskaltzale,

Zure Errigora saskia Arantxa okindegian dago. Ahal baduzu, astearterako jaso.

Legazpin 55 saski erosi dituzue Nafarroaren hegoaldeko euskara laguntzeko. Biba zu!

Eskerrik asko

Errigora

Subeltza Eguna Nafarroa Kalean

2018/11/30 18:12
Bihar, Subeltza Eguna izango da Nafarroa Kalean Elektrotxarangarekin eguerdian hasita. Hauxe da Hezkuntza eta Gazteria Sailaren oharra:

 

Bikuñako lokaletan entseatzen duten taldeen elkartze eguna dugu Subeltza Eguna,

larunbatean, abenduaren 1ean,  Nafarroa Kalean burutuko dena.

Elektrotxarangarekin eguerdian hasita, bazkaria eta 2 zatitan banatutako kontzertua eskainiko dute Bikuñako lokaletan entseatzen duten 8 taldek.

Egitaraua:

13:00-14:30 R ke R elektrotxaranga, kalez kale.

18:00-21:45: Butch, Insanos, Latoga eta Nekrobabies taldeak

22:30-01:15: John Dealer and the Coconuts, Elbereth eta Aitti Skalari & La Rude Band

Bikuñako musika lokaletan entseatzen duten taldeek udalak eskainitako lokalen erabileraren truke, gutxienez bi urtetik behin, kontzertu bat antolatu behar dute eta hortik dator ekintza honen arrazoia.

Ez da lehenengo Subeltza Eguna

Bikuñako musika lokaletan aritzen diren taldeak 2008ko irailaren 13an elkartu ziren lehenengo aldiz. Hala, musika lokaletan entseatzen hasi, eta 9 hilabete bete ondoren,

lehenengo kontzertua antolatu zuten.

Musika lokalen erabilera

Musika lokaletan 14 gela daude, eta horietako 2 bereziak dira: grabaketa gela eta musika tresnak konpontzeko gela. Gainerakoak entseatzeko erabiltzen dira. 50 lagunetik gora aritzen dira horietan,sormena eta adierazpena lantzen. 2016an CD bat grabatu zuten.

Agirre-Etxeberriko tabernaren kontratazioa

2018/11/30 18:08
Agirre-Etxeberri etxeko taberna zerbitzua emateko kontratazioa onartu berri da. Hauxe da Hezkuntza eta Gazteria Sailak bidalitako oharra:

Agirre-Etxeberri etxeko taberna zerbitzua emateko kontratazioa

Eskaintzak abenduaren 26arte.

Joan den asteartean, besteak beste, Legazpiko udalak bere jabegokoa den Agirre-Etxeberri etxeko behe-solairuan dagoen taberna-kafetegiaren zerbitzua emateko kontratazioaren espedientea onartu zuen,  baita haren lizitazioa iragartzea ere.

Eskaintzak abenduaren 26arte aurkez daitezke,  Sektore Publikoko Kontratazioaren Plataformaren bidez.

Zehaztapen guztiak Agiri administratiboetan eta teknikoetan azaltzen diren arren,  ustiapen horretan ondorengo zerbitzuak sartuko dira:

-Taberna-kafetegiaren berezko ustiapena.

-Udalak kontratatutako epealditik kanpo, behe-solairuan dauden komunen garbiketa (tabernari dagozkiolako)eta, horrezaz gain, taberna-kafetegitik komunetara doan pasabidea, etxe atzealdeko sarrera eta arkupea garbitzea.

-Behe-solairuan dauden erabilera anitzeko gelen irekiera eta itxiera eta baita haien garbiketa ere, hala dagokionean.

Baldintza bereziak:

Kontratazio publikoaren lege berrian, derrigorrez bete beharreko baldintza bereziak ezartzen dira. Besteen artean, hauek:

-Ingurumenekoak: Garaiko edo nekazaritza ekologiko edo integratuaren irizpideak betetzen duten elikadura produktuak erabiltzea.

-Gizarte arlokoak: Enpresa kontratisten lan-baldintza minimoak.

-Emakume eta gizonen arteko berdintasuna: Kontratuaren xederen definizioan, genero-perspektiba txertatzea.

Kontratuaren aurrekontua BEZarekin: 300 euro.

Kontratistak hileko 300,00 euroko saria ordaindu beharko dio Udalari.  Diru-kopuru hori goraka hobetu dezakete lizitatzaileek.

Zerbitzua ustiatzeagatik jasoko duen ordaina, erabiltzaileek ordaindutako prezioekin bakarrik jasoko duena izango da.

Prezio horiek nahierara finkatuko ditu kontratistak eta Legazpiko udaletxean aurkeztuko ditu jarduerari ekiten hasi aurretik.

Kontratuaren iraupena edo burutzeko epealdia: Urte 1

Luzapen kopurua: 1

Euskadiko Kontratazio Publikoko Kontratatzailearen profileko zuzeneko lotura

Taberna-kafetegiaren argazkiak IKUSI

Gaiak