Hemen zaude: Hasiera / Albisteak

Albisteak

Ezpainetako barra

2018/10/19 08:29
Hauxe da Xegun Altolagirreren gaurko ipuina.

Markel naiz, 14 urte ditut eta hementxe nago komunean sartuta kisketa itxita eta ispiluari begira. Zergatik? Nola liteke? Arren munduko gurasook, ahaztu behingoz ezpainetako barrak. Ahaztu, ezpainetako barra batek hankaz gora jarri dezake zoragarria izan zitekeen zuen seme-alaben etorkizuna.

Osorik irakurri: http://xegun.eus/ezpainetako-barra/

Salam Aleikum Legazpi

2018/10/18 16:55
Bihar, Salam Aleikum Legazpi ikus-entzunekoza aurkeztuko du Aitor Casadok. Honako informazioa bidali digu Aitorrek berak:
Hurrengo urriaren 19an, "Salam Aleikum Legazpi" emanaldia aurkeztuko dut Legazpiko Kuktur Etxean 19.30ean. Lan hau 2016ko maiatzean Haztegi ikastolako 4. mailako haurrei  erakutsi nien, beraiek gelan Islamari buruz ikasten ari ziren eta nik nire bidaietako esperientzia kontatu nien.
Haurrak gelan gaia ondo landuta zuten eta nik telebista eta zinean islamari buruz ematen den beste ikuspegi zeharo desberdin bat erakutsi nahi nien. Esperientzia zoragarria izan zen. Ehunka, bai ehunka, galdera egin zituzten, asko eta asko oso interesgarriak.
Emanaldia Maroko, Uzbekistan, Turkia eta Inidako irudlez osatua egongo da, Indian musulmandar eta hindusten arteko lotura ere ikusiko da. Ia ia Haztegin erakutsi nien lan berdina izango da, aurten Indonesian egon gara, munduan  musulmandar gehien duen herrialdea da, baina hemengo irudirik ez da izango emanaldi honetan. Martxoko Indonesiari buruzko emanaldira itxaron beharko da

Legazpiko kultur arduradunek emanaldi hau Fatiha Hajji Babak margolari marokoarrak aurkezten duen erakusketarekin bat egiteko programatu zuten.

Agenda 21 foroaren saioa urriaren 25ean

2018/10/18 16:46
Datorren asteko fororako deialdia bidali digu, Udalaren lurraldetasun batzordeak.

Eric Galvez, Lurraldetasunaren Batzordeko zinegotzi arduraduna

2 PILOTA JAIALDI URBELTZ PILOTALEKUAN

2018/10/18 10:53
Aste honetan, pilotari gazteenek Gipuzkoako Txapelketa hasiko dute eta partida ugari izango ditugu asteburuan. Urbeltz pilotalekuan 2 jaialdi egongo dira. Ostegunean 18:00etatik aurrera Telmo Ugartek jokatuko du Behar Zanako pilotariaren aurka eta ostiralean 19:00etan Markel Arrizabalagaren txanda izango da. Gainerako pilotariek kanpoan dituzte. Animatu danok etxeko partiduetara eta zorte on guztioi!!

Andraitz: asteburuko partidak

2018/10/18 10:32
Andraitz Kirol Elkarteak asteburuko saskibaloi-partiden berri bidali digu.
Andraitz: asteburuko partidak

Klik egin

Ostiralean Legazpin eta, larunbat eta igandean, Arrasaten izango dira partidak.

ZINEA LATXARTEGI ARETOAN

2018/10/17 17:55
19, OSTIRALA: Basada en hechos reales (2017) - Roman Poanski. 22:15ean Latxartegi Aretoan. Zine-Klub saioa. 21, IGANDEA: Luis eta estralurtarrak (euskaraz) 17:00etan Latxartegi Aretoan. Haurrentzako saioa. 21, IGANDEA: El viaje de Nisha (2017) – IramHaq. 19:30ean Latxartegi Aretoan. Igandeko saioa.

Basado en hechos reales.

Urriak 19, ostirala. 22:15ean.

 FITXA TEKNIKOA

 Jatorrizko izenburua: D'après une historie vraie. Herrialdea: Frantzia. Urtea: 2017. Iraupena: 110 minutu. Zuzendaria: Roman Polanski. Gidoia: Olivier Assayas & Roman Polanski, Delphine de Vigan idazlearen eleberrian oinarrituta. Casting: Lelia Fournier, Sarah Teper. Argazki-zuzendaria: Pawel Edelman. Musika: Alexandre Desplat. Edizioa: Nargot Meynier. Zuzendari artistikoa: Sandrine Jarron, Dominique Moisan. Aktoreak: Emmanuelle Seigner, Eva Green, Vincent Perez, Dominique Pinon, Camille Chamoux, Josée Dayan eta Saadia Bentaïeb.

 

            Roman Polanski zuzendari polemikoak thriller psikologiko honekin bueltatzen da pantaila handira. Arrakasta handia duen emakume nobelagile batek, krisi pertsonal eta sormenezkoan murgilduta, emakume xarmagarri eta azkar bat ezagutzen du. Poliki-poliki, emakume ezezagun hori bere liburu berriaren eta bizitzaren hariak hasiko da mugitzen.

 Bere bizitzako alderdi oso pertsonalak kontatzen zuen azkeneko eleberriarekin arrakasta handia lortu ondoren, Delphine hutsune emozional eta sormenezkoan erortzen da eta beldur da eseri eta liburu berri bat idazten hasteko. Une horretan Elle ezagutzen du, emakume gazte eder eta azkarra; Ellek ulertzen du Delphinen egoera eta berehala bihurtzen da bere konfiantzazko laguna. Poliki-poliki, Elle Delphineren liburu berria eta bere bizitza gobernatzen hasiko da baina ez dakigu oso ondo zeintzuk diren bere asmoak.

 Roman Polanski Oscar saria eskuratu zuen ‘La venus de las pieles’ filmarekin eta 4 urte beranduago ‘Basada en hechos reales’ filmarekin bueltatzen da. Filma Delphine de Vigan idazlearen eleberri homonimoan oinarritzen da hitzez hitz; bertan, idazleak eleberri pertsonal eta arrakastatsu baten ondoren jasan zuen blokeo emozionala kontatzen du. Horrela, zinegile polemikoak anbibalentzia-joko bat eratzen du, non eszenaratze dotore eta soilak eta aktoreen interpretazioak errealitatearen eta fikzioaren arteko lerro fina mugatzen duten. Eva Green (El hogar de Miss Peregrine para niños peculiares) eta zuzendariaren emaztea azkeneko 30 urteotan Emmanuelle Seigner (Reparar a los vivos) dira filmeko protagonistak. Hauxe da Polanskiren filmografia luzean bi emakumeen arteko konfrontazioa erakusten duen lehenengo filma; komedia beltzaren itxurarekin hasten da filma eta thriller psikologikoa izaten bukatzen da. Zine frantseseko aurpegi ezagunek osatzen dute filmeko aktoreen zerrenda: Vincent Perez (Lo que el dia debe a la noche) eta Dominique Pinon (Mi casa en Paris) (https://www.guiadelocio.com/cine/archivo-peliculas/basada-en-hechos-reales)

"Etxeko saltsak" antzeslana, larunbatean

2018/10/17 14:28
Urriaren 20an, larunbata, 20:30ean Etxeko Saltsak antzesnala eskainiko da Latxartegi Aretoan. Hauxe Kultura Sailaren informazioa.

“Etxeko saltsak” antzeslana urriaren 20an, larunbata, 20:30ean Latxartegi Aretoan.

Aitziber Garmendia, Ane Gabarain, Mikel Laskurain eta Aitor Fernandino taula gainean.

ETXEKO SALTSAK (Relativity speaking jatorrizkoan) endreduzko komedia bat da, korapilatsua. Ikusleek pertsonaiek baino informazio gehiago dute eta aktoreak gaizki-ulertuen etengabeko kate dibertigarrian dantzan… 

Egilea, Alan Ayckbourn antzerkigile eta zuzendari ingeles ezaguna da.

Greg eta Ginny maitaleak dira eta bizimodu zoriontsuan, ustez, sekreturen bat baitago tartean, isil-gordean. Ginnyk gurasoen landetxera,  bixita egitera doala esango dio, baina gezurretan ari da. Izan ere, Philip, bere maitale sekretuarengana doa, harreman sekretua bertan behera utzi behar dutela esateko asmoz. Gregek, susmo txarra hartuta, neska laguna segiko du eta neskalaguna baino lehen allatuko da Philip eta Sheila bere emaztea, bizi diren landetxera. Ginnyren gurasoak direlakoan dago. Ginnyk Philipi aitaren plantak egitea eskatzen dio.

Sarrerak egunean bertan jarriko dira salgai Aretoko lehiatilan 19:00etatik aurrera 10€tan.

Buztintegi: asteleheneko elkarretaratzea

2018/10/17 10:40
Buztintegik asteleheneko elkarretaratzean irakurritako agiria bidali digu. Hona hemen:
Buztintegi: asteleheneko elkarretaratzea

Elkarretaratzearen irudia (Luis Mari Murua)

ELKARRETARATZEA 2018-10-15

Joan zen astean aurkeztu zuten 2019KO ESTATUKO AURREKONTU OROKORREN PROPOSAMENA. Pentsioei buruz, eros ahalmena mantendu eta KPI errealaren kopuru berean igo  behar dituztela da, esaten dutena.

Gure eskakizunak, maila batean, kontuan eduki izan dituztela ikusteak pozten gaitu. Baino ala ere mobilizatzen jarraitu behar dugu. Oraindik asko falta da; lanbide arteko gutxieneko soldataren azpitik, hau da:739,50 € hileko 14 ordainetan, ez pentsiorik ezta ere soldatarik egotea galerazi arte. Pentsioa oinarrizko eskubidea izanik Konstituzioan jasotzeari buruz ez dute inungo aipamenik egiten.

Orain aurrekontuak aurrera ateratzeko negoziazioak hasiko dituzte. Hor ikusiko dugu, berriro ere, gure pentsioak partidu politiko eta politikarien borondate eta nahiaren menpe jarraitzen dutela.

PENTSIO DUINAK NAHI DITUGU!  

Udazkeneko barazkiak, baratzetik sukaldera

2018/10/17 09:20
Larunbat honetarako tailer bat prestatu du Domingo Agirreko Guraso elkarteak. Udazkeneko baratzeko produktuak ezagutu (Legazpiko San Migel baserrian) eta sukaldatzeko aukera eskainiko zaie Lehen Hezkuntzako ikasleei (tailerra irekia da).

Udazkeneko baratzeako produktuak ezagutu eta sukaldatzeko aukera ematen du eskolak

DOMINGO AGIRRE. Udazkeneko barazkiak ezagutu eta hauek sukaldatzeko aukera eskaintzen digute oraingoan Domingo Agirreko Guraso Elkartetik, larunbata honetan aurrera eramango den ekintzari esker.

Tailer honetan, lagun eta familia giroan, udazkenean herriko baratzetan aurkitu ditzakegun barazkiak ezagutuko dituzte parte hartzaileek eta gainera hauek sukaldera eraman eta bertan esperimentatzeko aukera ere izango dute, adituen laguntzaz.
Ikastaroa Domingo Agirreko Jangela Bartzordetik bultzatzen da, Guraso Elkartearen laguntzaz eta bertako produktuak kontsumitzearen gargarrantzia azpimarratzearekin batera, elikadura osasuntsua bultzatzea ere du helburuetako bat. “Jangelako lan-taldean eskolan baratzea bat izan nahi genuen, baina eskola ondoan eraikitako igogailuaren lanek ia espaziorik gabe utzi gintuzten. Hala ere, umeek baratzearen momentu eta fase ezberdinak ezagutzea zen gure helburua. Oraingoan udazkeneko baratzea ezagutuko dugu”, azaltzen dute Jangela Batzordetik. “Horretaz gain, baratzetik platererako salto hortan, elikagaiek izaten duten eraldaketa beraiek esperimentatzea ere helburuetako bat zen, horregatik baratzetik bueltan, sukaldean sartuko gara”, azaltzen dute.

Tailerra, Domingo Agirreko Guraso Elkartetik antolatuta egonda ere, Lehen Hezkuntzako haur guztiei zuzenduta dago irekia baita, zortzi urte azpikoek nagusi baten laguntza beharko dutelarik parte hartzeko. Larunbata honetan (urriak 20) goizeko 10:00etatik aurrera ospatuko da eta hiru orduko iraupena izando du. Honen prezioa 5€koa da.

Baratzea ezagutzeko aukeratutako baserria Legazpiko San Migel baserria dugu, ikastaroa bertan hasiko delarik, eta sukaldatzea herriko Gizarte Zentroan aurrera eramango da. Domingo Agirreko eskolako ikasleen kasuan izen emateak Inika bitartez egin daitezke; besteek eskolara deitu beharko dute 943 73 00 68 telefono zenbakira. Parte hartze kopurua murriztua da, gehienez 15 lagunek parte hartuko dutelarik.

Oharrak

Tailerra San Migel baserrian hasiko da beraz parte hartzaileak bertan elkartuko dira aipatutako orduan, garraioa bakoitzaren kontura izanik. Baratzean zikintzeko aukera dagoela kontutan izanik, botak eta arropa aproposa janztea gomendatzen da.

Bestetik, sukaldatutakoa etxera eramateko, tuper bat edo bi eraman beharko dira. Sukalderako ere mantala edo kamixeta zahar bat eraman daiteke.
Sukalde ondoan jangela haundia dago, beraz umeak sukaldean dauden bitartean, guraso eta anai-arreba txikiak bertan egon daitezke. Animatu eta parte hartu!

25. ASTEBURU MIKOLOGIKOA

2018/10/15 19:03
Urriaren 20 eta 21ean ospatuko dira, eta aurtengoan bi egunetako ekitaldi guztiak Azokan egingo dira. Gainera Erakusketa eta dastaketa larunbat arratsean ere egingo da. Kartelean duzue egitarau zehatza.
Gaiak