Hemen zaude: Hasiera / Albisteak

Albisteak

Denboraren korapiloak

2015/05/25 13:10
Mikel Martinez aktoreak Denboraren Korapiloak lana eskainiko du ostegunean. Mintzalagun kanpainaren ikasturte amaiera dela eta antolatu du Udalaren euskara zerbitzuak.

EAJk irabazi ditu hauteskundeak, Legazpin

2015/05/24 22:25
Hona hemen Udal hauteskundeen emaitzak, Legazpin:
EAJ1903
EH Bildu 1711
PSE 643
Irabazi 402
PP 96

Baliteke botoetan gorabehera txikiren bat egotea, emaitza ofizialetatik. Hala ere, EAJk eta EH Bilduk bosna zinegotzi izango dituzte, PSE-EEk bi eta Irabazik 1.

 

 

Kale Nagusiko obrak

2015/05/22 19:14
Ekainaren 1ean hasiko dituzte Kale Nagusiko obrak. Galarazita egongo da aparkatzea zein zirkulatzea, baina udalak hainbat irtenbide proposatu ditu.

Ekainaren 1ean, astelehena, Kale Nagusia oinezkoentzako bihurtzeko obrak hasiko dituzte.

Lanak Construcciones Moyua enpresak egingo ditu eta, gutxi gorabehera, 5 hilabete iraungo dute.

Obrak iraun bitartean, arreta-gune bat eta harremanetarako telefono zenbaki bat jarriko dira martxan, bizilagunek eta merkatariek euren zalantzak argitu ditzaten.

Zirkulazioari dagokionez, Kale Nagusia eta Nafarroa kalea itxita egongo dira. Zamalanak egiteko bakarrik irekiko dira, eta lan horiek horretarako egokituko diren guneetan soilik egin ahal izango dira, 07:00etatik 13:30era. Zehazki, hauek izango dira guneak: Kale Nagusia 1-3 eta BBVA, eta Kale Nagusia 25, Urola kaletik sartuta. Nafarroa kalean, berriz, gaur egun dauden zamalanetarako guneak mantenduko dira.

Aparkatzeko aukera Plazaolan

Obrak direla-eta, ekainaren 1etik aurrera ezingo da Kale Nagusian aparkatu. Plazaola kalean txandaka aparkatzeko plaza batzuk egokituko dira. Taxi geralekua, berriz, Plazaola kaleko 10. zenbakian egokituko da, Xarpot taberna parean.

Legazpiko herri danborrada: balantzea eta eskertzea

2015/05/22 15:04
Legazpiko berri danborradaren antolatzaileek honako oharra helarazi digute:

Balantzea ezin hobea izan da eta, nola ez, herritarren parte hartzean dago arrakasta; ez da iazko parte hartzea gainditu baina gertu ibili da. Baina kopurua inportantea bada ere, kalitatea da azpimarratu nahi duguna. Zirraragarria da danborrada plazan ikustea eta entzutea, danbor eta upel-joleek herriko musika bandarekin bat egiten dutenean.

Hori da gure Herri Danborrada. Nabaria da herriaren inplikazioa baina inplikazio hori ez da oraingoa, aspaldikoa baizik; beraz, eskerrak eman nahi dizkiegu urte guzti hauetan danborradan parte hartu duten guztiei eta, batik bat, une zailetan ere hor izan direnei. Haiek izan dira, zalantzarik gabe, danborradaren izpiritua bizirik mantendu dutenak eta haiei esker iritsi zen iaz berrogeita hamargarren urteurrena ospatzera.

Azken urte hauetan gazteak dira indartsu datozenak eta eskertzekoa da belaunaldien erreleboa. Gure aldetik eskertu egin nahi ditugu iaz ospatu genuen urteurrenean makilak uztea erabaki zutenak; haien fideltasuna eskertzen dugu eta jakin dezatela gure Herri Danborradan guztiontzako lekua dagoela beti.

Eskerrik asko danbor-jole guztiei: Plazaola, Urtatza, Gaztetxe eta aurten Arraseta izenarekin bataiatu dugun konpainia berria (aurten emakumeez bakarrik osatuta atera dena). Eskerrik asko, halaber, upel-joleei: urketariak, Sorgintxulo eta sukaldariak, kolorea, umorea, dotorezia eta alaitasuna eskaini dutenak.

Eta ez dugu Jesus Castillejok zuzentzen duen gure musika banda ahaztu nahi: “bikain!”. Aho zabalik uzten gaitu bere profesionaltasunak eta gaztetasunak.

Azkenik ez ditugu gure zuzendariak eta figuranteak aipatu gabe utzi nahi: banderadunak, olagizonak, gastatzaileak, zaldunak (Ormazarreta zalditegikoak), idiak (Javier Arizti) eta astoa (Andoni Gutierrez).

Bukatzeko, eskerrik asko herri danborrada ikustera gure herriko kaleetara eta plazara hurbiltzen zareten guztioi. Mundu guztiak jaso dezala gure esker ona.

Bestalde, badakigu hutsuneak egon badirela eta guztion laguntzarekin konpontzea espero dugu. Besterik gabe, gu bezainbeste gozatuko zenuelakoan, agur esaten dizuegu datorren urtera arte.

Mila esker eta gora Legazpi!

Antolatzaileak

OHARRA: prest gaude ideia eta asmo berriak jasotzeko eta norbaitek antolakuntza-lanetan lagundu nahi badu, hemen gaitu zain.

BITXIKERIA: aurten 360 herritarrek hartu dute herri danborradan parte. Danborrak eta upelak joten guztira 268 herritar atera dira: horietatik 173 emakumeak ziren eta gizonak, 95 besterik ez.

Mikel eta Floren

Gaur aurkeztu da Elustondo diskoa

2015/05/22 14:45
Gaur goizean aurkeztu dute Elkar argitaletxearen estudioetan. Diskoa, dagoeneko, salgai dago Euskal Herri osoko musika-dendetan, Elkarren webgunean eta Legazpin Katilu, Gurrutxaga eta Azpikoetxe tabernetan.
Gaur aurkeztu da Elustondo diskoa

Gorka Salmeronek diseinatutako azala

Otsailean grabatu zuten diskoa Elkarren estudioetan. Besteak beste, Kepa Junkerak, Natxo De Felipek, Xabier Amurizak, Xabier Barriolak eta Gorka Salmeronek hartu dute parte diskoan.

Hurrengo egunetan, Jonek eta Agurtzanek elkarrizketa ugari emango dituzte diskoaren promozioan. Gaur, esaterako, Euskadi Irratiko Arratsean saioan izan dira. Hona hemen, elkarrizketa:

Hona hemen, "Non gara?" kantua, gozatu:

Eskola Agenda 21: ikasleei erantzuna

2015/05/22 11:13
Eskola agenda 21 egitasmoaren baitan ikasleek Legazpiko Udalari egindako eskariei erantzuna eman dio Legazpiko Udalak. Hona hemen, erantzuna:

 

Bihar hasiko dira Armen Alardeko Txilibiteroen entseguak.

2015/05/21 18:34
Bihar, maiatzak 22, 17:00etan Musika Eskolan da zita. Lehen entsegu honetan gainera txilibituak banatuko direnez, oso garrantzitsua da bertaratzea.

Entseguak, ostiralero egingo dira Musika Eskolan, 17:00etan, ekainaren 23ra bitartean.

Sorgintxulorekin Mirandaolara

2015/05/21 15:34
Maiatzaren 30ean, irteera izango da haurrentzat, Mirandaolara, Sorgintxulorekin. Parte hartu nahi dutenek hilaren 26ra arte eman ahal izango dute izena, ikastetxeetan

Legazpiko Udaleko Gazteria Sailak antolatuta, Haur Hezkuntzako 5. mailako eta Lehen Hezkuntzako 1. eta 2. mailetako ikasleek Mirandaolara irteera egiteko aukera izango dute, larunbatean zortzi, maiatzak 30, Sorgintxulo Aisia Taldearen eskutik.

Parte hartu nahi duten guztiak Mirandaolako pilotalekuan elkartuko dira larunbatean bertan, 17:00etan. Arratsaldea jolasean igaroko dute, eta euskararen erabilera bultzatzea izango da helburu nagusietako bat. Arratsaldeko 19:00etan amaituko da ekintza, Azokan.

Parte hartu nahi dutenek hilaren 26ra bitarteko epea izango dute ikastetxeetan bertan izena emateko.

Uztaileko gaur egungo dantza eta marrazki ikastaroak

2015/05/21 12:55
Dagoeneko irekita dago bi ikastaro hauetarako izen-emate epea. Maiatzaren 29ra arte egin ahalko dira Kultur Etxean.

Marrazketa ikastaroa:

  • Norentzat: 2008. urtean edo lehenago jaioak.
  • Noiz: ekainaren 29tik uztailaren 24ra, astelehenetik ostiralera.
  • Ordutegia: 10:30-12:30.
  • Ordaina: 35€ ikastaroko lehen egunean.
  • Izen-ematea: maiatzak 11-29 Kultur Etxean.

Gaur egungo dantzen ikastaroa:
  • Norentzat: 8 urtetik aurrerakoentzat.
  • Noiz: 
    1. Ekainaren 29tik uztailaren 10era. (10 ordu)
    2. Uztailaren 13tik 24ra. (10 ordu)
    3. Ekainaren 29tik uztailaren 24ra (20 ordu)
  • Ordutegia: 10:30-11:30, astelehenetik ostiralera.
  • Ordaina: 25€ (10 ordu) eta 35€ (20 ordu).
  • Izen-ematea: maiatzak 11-29 Kultur Etxean.

Udaberri sariko pilota partida bakarra Urbeltzen

2015/05/21 10:45
Ostiralean, maiatzaren 22an, 19:00etan jokatuko da etxean jokatzea egokitu den partida bakarra. 2. mailako kadeteetako Legazpiko Anduaga arituko da Aloña Mendiko Tijeraren aurka lau t´erdian. Ondorengo laukian duzue Legazpiar pilotari gazteen asteburuko jardunaldi osoa.
Data Ordua Frontoia Etxekoa Kanpokoa Jokamoldea
2015/05/22  19:00 ALEGIA - Elorri  INTXURRE-OIARBIDE LEGAZPI-IRAETA Lau terdian-Eskuz banaka kadeteak - 1. maila
 
2015/05/22  19:00 LEGAZPI - Urbeltz  LEGAZPI-ANDUAGA ALOÑA MENDI-TIJERA Lauterdian-Eskuz banaka kadeteak - 2. maila
 
2015/05/22  20:30 ZUMARRAGA - Beloki  BELOKI-MENDIZABAL LEGAZPI-TELLERIA Lauterdian-Eskuz banaka kadeteak - 1. maila
 
2015/05/23  17:00 DEBA - Aldats  EUSKAL JOLAS 1 LEGAZPI 2 Eskuz binaka- 2. urteko alebinak
 
2015/05/24  11:00 ALTZO - Altzo Muino  INTXURRE-ARANDIA LEGAZPI-ARANA Lauterdian-Eskuz banaka kadeteak - 1. maila
 
2015/05/24  BERGARA-BALERDI (0) LEGAZPI-IBARGUREN(22) Lauterdian-Eskuz banaka jubenilak - 1. maila
2015/05/24  EUSKAL JOLAS 2 (RET) LEGAZPI 1 Eskuz binaka-2. urteko alebinak
2015/05/24  LEGAZPI-DEBA Atsedena Lauterdian-Eskuz banaka jubenilak - 1. maila

Haurren Dantza Jaialdia Sustraiak Dantza Taldeko haurrekin

2015/05/20 11:55
Datorren maiatzaren 23an, larunbata, eta 18:00etatik aurrera, Sustraiak Dantza Taldeko haurrek jaialdi berezi bat eskeiniko dute Latxartegi Aretoan.

Maiatzak 31: Joste Eguna, Legazpin

2015/05/19 23:25
Legazpiko Gure Esku Dago lantaldeak Joste-eguna antolatu du maiatzaren 31rako. Zenbait ohar eta kartela helarazi dizkigute. Hona hemen:
Maiatzak 31: Joste Eguna, Legazpin

Handiago ikusteko, klik egin gainean

Kaixo guztioi,
Dokumentuan maiatzaren 31ko ekitaldiaren berri daukazue. Hiru ohartxo:
1) Bazkaritarako txartelak sei euro balioko du eta ostegunetik aurrera egongo dira salgai.
2) Ahalik azkarren hartu txartelak, maiatzaren 27rako.
3) Tutore zaretenokin bilera motx-motxa egingo dugu, maiatzaren 26an, 20:00etan, Legazpiko Gure Esku Dago lokalean.

Aurki arte.

Legazpiko Gure Esku Dago

 

D-Pintxos taldeak Ibilaldian emango du kontzertua

2015/05/19 13:50
Maiatzaren 31n, Bilbon egingo den Ibilaldian joko du D-Pintxos talde legazpiarrak. Kontzertua Harrobi plazako gunean izango da, ibilbideko lehen gunean, 11:00etan.

"Harro Ibili" lelopean, Bilboko Harrobia ikastolak aurten antolatuko duen Ibilaldian joko du D-Pintxos talde legazpiarrak, maiatzaren 31n. Euskarazko lanbide heziketa eskaintzen du Bilboko ikastola horrek, Bilbo Zaharreko Harrobi plazan duen eraikinean eta aurten Ibilaldia antolatzea egokitu zaio, Santurtziko Bihotz Gazteak antolaketari uko egin ostean.

D-Pintxos taldeak Urtz talde historikoaren aurretik joko du, Itziarren semek eta Oihan Vega ere izango dituen eszenatoki berean. "Zazpiak bat" lanarekin ekin zion ibilbideari 2013an eta iaz "Ahotsak" plazaratu zuen. Disko hortako "Kale zaharrean" kantaren bideoklip ederra egin zuen taldeak eta ondo emango du Bilbo zaharreko kaleetan ere.

D-Pintxosen twitterreko kontua hemen: https://twitter.com/dpintxos

Ibilaldiari buruzko informazio guztia hemen: http://www.ibilaldia.eus/

XII. Juan San Martin Beka deialdia

2015/05/19 13:36
Udalaren euskara zerbitzuak Juan San Martin bekaren berri bidali digu.
XII. Juan San Martin Bekaren gaia ETNOLOGIA da. Beka honetarako deialdia bi urtetik behin kaleratzen da, eta helburua euskarazko ikerketa lanak sustatzea da. Bekaren zenbatekoa 9.000 € da.

Juan San Martin beka Eibarko Udalak kaleratzen du UEUrekin lankidetzan.

Beka honen bidez Juan San Martinek bere bizitzan zehar landu zituen gaiak ikertu nahi dira. 2015eko deialdian ETNOLOGIA izango da bekaren ikerketa-lanaren gaia.

Beka honetara ikerketa proiektua aurkeztu nahi dutenek eskaera 2015eko irailaren 1etik urriaren 9ra bitartean egin beharko dute Eibarren, Pegoran (Herritarren Zerbitzurako Bulegoan).

Ikusi HEMEN oinarriak eta aurkeztu beharreko dokumentuak.

Musika tailerreko ikasleen emanaldia

2015/05/19 10:38
Bihar, musika tailerreko ikasleen emanaldia izango da Legazpiko Latxartegi aretoan, 18:30ean. Hona iragartzen duen kartela.

Errigoraren loteen katalogoa

2015/05/18 22:54
Iragarri genuen bezala, maiatzaren 26ra arte eskatu ahal izango dira Errigoraren loteak, Katilun eta Arantxa okindegian. Hona hemen loteen katalogoa:

Gehiago saltzeko estrategiak

2015/05/18 15:59
Urola Garaia Mankomunitatearen merkataritzako euskara planaren baitan azken urteotan hitzaldiak antolatu dira merkatari eta ostalarientzat. Aurtengoan ere bi hitzaldi antolatu dira baina gaztelaniaz. Hizlaria Estitxu Garai izango da, publizitatean aditua.

San Juan suaren inguruan egingo diren dantzen ikastaroa

2015/05/18 12:53
Bihar, maiatzak 19, 20:15ean hasiko da San Juan bezperan, suaren inguruan egingo diren dantzen ikastaro irekia. Herritar guztiak daude gonbidatuta bertan parte hartzera. Ikastaroko saioak astearteetan izango dira Sustraiak Dantza taldearen lokalean.

San Juan zortzikoa eta Bedaio izango dira ikasiko diren lehenak, San Juan Sua ekitaldiari hasiera emango dioten dantzak izango baitira. Ondoren etorriko dira gainerako plaza dantzak. Animo guztioi, parte hartzea bezalakorik ez baitago ondo pasatzeko.

Gure Esku Dago: material ugari salgai

2015/05/18 10:06
Gure Esku Dagoren lokalean material ugari dago salgai. Iñaki zapata-dendan dago eta, astearte eta ostegun, 18:00etatik 20:00etara daukazue irekita.
Gure Esku Dago: material ugari salgai

Handiago ikusteko, klik egin gainean

Legazpiko PSE-EEren programa

2015/05/15 10:45
Legazpiko alderdi sozialistak bere programaren zertzelada nagusiak bidali dizkigu hirigintzan, instalazio publikoetan eta etxebizitzan. Hona hemen:

HIRIGINTZA

- San Juan, San Ignazio, San Martin, Arantzazu eta San Jose auzoak osorik birgaitzeko jardunak.

- Oztopo arkitektonikoak ezabatzea Urtatzan, Itxaropen eta Juanastegin.

- Urtatzako goi-aldera eta Domingo Agirre ikastetxera arrapala mekaniko bidez edo igogailu bidez iristea.

- Laubideko zenbaki bakoitietako atarien inguru guztia berreurbanizatzea.

- Aizkorri kalea berritzea Txorroneatik futbol-zelairaino.

- Mirandaola, Telleriarte eta Brinkolako sarbideak hobetzea, eta batuko dituen bidegorri berria egitea.

- Udalaren autobus-zerbitzuaren ordutegiak zabaltzea.

- Tren-geralekua tren-geltoki hihurtzea, aldiriko trenen maiztasuna zabaldu ahal izateko.

- Kale Nagusia oinezkoen eremu bihurtzea.

- Latxartegin luperko aparkalekua egitea.

ERAIKIN ETA INSTALAZIO PUBLIKOAK

- Estalkiak instalatzea Urtatza Zaharreko eta Bikuñako parkeetan.

- Parke bioosasungarriak Urtatzako iturriaren ondoan eta Elizako parkean.

- Urbeltz pilotalekua eta Domingo Agirre kantxa, haurrek gozatzeko espazio gisa erabiltzea.

- Hobekuntzak ikastetxeetan, haurtzaindegietan, lorategietan eta gizarte-zentroan.

ETXEBIZITZA

- Babepeko etxebizitzak San Ignazio eta Urtatza auzoetan.

- Merkatal-lokalak etxebizitzetan bihurtu.

- Azpikoetxe eremua berreurbanizatu babezpeko etxebizitzak eta etxebizitza libreak sustetzeko.

- Etxebizitzen aloikarua eta errehabilitazioa sustatu.