Hemen zaude: Hasiera / Albisteak

Albisteak

ZingiZangoren agurra eta azken jolasa

2018/11/16 08:30
ZingiZango euskara elkarteak aurten bukatuko du hamaika urteko ibilbidea. Webgunean, abenduaren 3an argitaratuko da azken albistea. Hori dela eta, azken jolas bat proposatuko zaie legazpiarrei. Azaroaren 23tik abenduaren 3ra hartu ahal izango da parte jolasean, webgune honen bidez.
ZingiZangoren agurra eta azken jolasa

11 urteko legazpiarrak

Azaroaren 23an, webgune honetan bertan, jarriko da lehiaketari erantzuteko bidea. Kartelean duzue jolasaren aurrerapena eta informazioa.

Babarrunak

2018/11/16 08:11
Hauxe da Xegun Altolagirreren gaurko ipuina:

Sinesgaitza da, bai, baina horrela gertatu zen. Irratietan, telebistetan… esatariek ez zuten beste konturik, estralurtarren erasoa berehalakoa zen. Ni, etxe azpiko gotorlekura eramateko jan-edanak pilatzen ari nintzen kartoizko kaxa handi batean. Ordu batzuk, egunak, hilabeteak… zenbat egun iraungo ote zuen egoera honek? Nork jakin! Baina hondamendi handiago baten aurrean nintzen bat-batean. Toth, gure etxeko txakurra, bezperan sobratutako babarrunen tuperra ireki nahian zebilen. Gotorlekura eramateko prest nituen. Hura zan hura larria sartu zitzaidana Toth babarrunez betetako tuper harekin borrokan ikusi nuenean!! Bere gainera egin nuen jauzi babarrunak berreskuratzeko asmotan.

Osorik irakurri: http://xegun.eus/babarrunak/

Euskaraldia: mila legazpiarretik gora

2018/11/15 19:25
1000tik gora gara Euskaraldian parte hartuko dugun legazpiarrak.
Euskaraldia: mila legazpiarretik gora

Euskaraldiaren ekitaldi bat (Errikarte Agirre)

Gogoratu, txapa jasotzeko eta izena emateko informazioa.

Andraitz: asteburuko partidak

2018/11/15 13:55
Andraitzek asteburuko saskibaloi partiden berri bidali digu.
Andraitz: asteburuko partidak

Klik egin

Kartelean duzue informazioa.

HAZTEGI IKASTOLA EUSKARALDIAREKIN BAT

2018/11/15 13:53
Ikastolako langileak eta DBHOko ikasleak Euskaraldian parte hartuko dute. 2018ko azaroaren 23tik abenduaren 3ra, euskaraz hitz egiten edo ulertzen dugun guztion artean egin dezagun euskaraz. Euskal Herri osoan eta elkarrekin arituta, gure egunerokoan eragin genezake.

Euskal hiztunen hizkuntza ohituretan eragitea eta beren harreman sareetan euskara gehiago erabiltzea izango da Euskaraldia ekimenaren lehenengo helburua. Hizkuntzaren normalizazioaren ardura pertsonen eta entitateen artean partekatua denez, bestetik, 2019an, mota guztietako entitateek euskararen erabilera babesteko eta bultzatzeko neurriak hartzea izango da beste helburua.

Aktibazioa hitzak martxan jartzea esan nahi du. Hizkuntzaren erabilerari lotutako kontzeptua da, euskaraz hitz egiten dakitenek edota euskara ulertzeko gaitasuna daukatenek euskara erabil dezaten lortu nahi delako. Hamaika egun horietan, 16 urtetik gorako herritarrri proposamena egin zaie, Ahobizi eta Belarriprest rolak hartzeko. Ahobizi ulertzen duten guztiei euskaraz hitz egiten dieten lagunak dira (baita ezezagunei lehen hitza, gutxienez, euskaraz egiten dietenak ere). Belarriprest, berriz, gutxienez euskara ulertzen duten kideak dira, gainontzekoei euskaraz aritzeko gonbidapena luzatzen dietenak.

Antolaketan, beraz, auzo, herri zein eskualde ezberdinetako euskaltzale taldeak arituko gara, eta baita elkarte, enpresa zein erakunde ezberdinetakoak ere.

ANIMATU ETA PARTE HARTU!

2018ko egutegiaren lehiaketa

2018/11/14 14:18
Hauxe da Udalak bidalitako informazioa:
2018ko egutegiaren lehiaketa

Artelatza

2018KO EGUTEGIKO LEHIAKETA

URRIA Erantzuna:

Artelatza (Quercus suber)

Quercus suber tamaina ertaineko zuhaitza da, hosto iraunkorra du eta jatorriz Europakoa eta Afrika iparraldekoa da. 150 eta 250 urte artean bizi ohi da.

Bere hostoek 4 eta 7 cm artean neurtzen dute eta lobulatuak edo zerradunak izan daitezke. Gainaldea berde iluna dute eta azpialdea, aldiz, zurixeagoa.

Artelatzek ezkurrak ematen dituzte; fruituak uda hasieran sortzen dira eta irail-urria partean heldu. 2-3 cm luze izan ohi dira eta zapore mingotsa dute. Horrenbestez, gizakiarentzat ez dira jaki izaten, baina beste zenbait animaliarentzat, aldiz, elikagai-iturri garrantzitsua dira ezkurrak, hala nola, zerri iberikoarentzat.

Artelatza asko hedatutako zuhaitza da, izan ere, bere azala kortxoa egiteko erabiltzen da. Zuhaitzak 30 urte pasa dituenean jasotzen da lehen aldiz kortxoa. Gero, 9-14  urtean behin jaso daiteke berriro zuhaitz honen azala. Kortxoa tapoiak ekoizteko erabiltzen da, eta tapoi arruntenak 24 mm luze direnez, zuhaitzaren azalak 30 bat milimetro behar ditu erabilgarria izateko. Kortxoaren ustiaketak ez dio inolako kalterik egiten arbolari. Izan ere, beste azal geruza bat sortzen du zuhaitzak. Baliabide guztiz berriztagarria da kortxoa, beraz.

Tapoiak ekoizteko ez ezik, eraikuntzarako ere baliagarria da kortxoa, isolatzaile akustiko nahiz termikoa delako. Motorren junturak ixteko ere erabiltzen dute kortxoa eta eskulanetarako material oso erabilia da, batez ere dekoraziorako elementuak sortzeko. Hala nola, bandejak, erlojuak, koadroak, markoak, maketak eta jaiotzak egiteko erabiltzen dute.

Bakarrizketa saioa Euskaraldia ekimenaren baitan.

2018/11/14 12:54
AZAROAK 20, ASTEARTEA: “Ttak!”. Beatriz Egizabalen eskutik. 19:30ean Latxartegi Aretoan. Sarrera doan, tokia bete arte. Beatriz Egizabal klown eta antzerkilariak, Euskaraldia ekimenaren testuinguruan, umorea ardatz duen bakarrizketa saioa eskainiko digu. 40 minututan datozen egunotan ahobizi eta belarriprestek biziko dituztenen ingurukoak aztertuko ditu. Eman umore!!!

Pilota jaialdia Urbeltz Pilotalekuan.

2018/11/14 12:26
Ostiralean, azaroaren 16an, 19:15ean hasiko den jaialdian, bi pilota partida izango dira. Legazpiko Gazteak Pilota saileko pilotariak arituko zaizkigu lehian. Lehen partidan Oier Alzelai alebina lehiatuko da bakarka, eta bigarrenean Aimar Telleria eta Aritz Markotegik, Intxurre taldeko bikotea izango dute aurrean. Pilota elkarateko federatuen karteldegi osoa irudian duzue.

Azaroan Musika 2018: Gospel kontzertua.

2018/11/13 18:12
Azaroaren 18an, igandea, 19:00etan Legazpiko Parrokian, azken urtetako lagun zaharrak izango ditugu gure artean. The Upper Room taldeak eskainiko du Gospel emanaldia, lau ahots pianoaren laguntzaz.

The Upper Room 2005. urtean jaio zen Iñaki Miguel pianoan eta Mikel San Jose ahotsean elkartu zirenean. Bikote moduan Euskal Herri osoan zehar euren gospel kontzertuak eskaini dituzte kultur etxetan, elizetan eta aretoetan. Oraingoan, The Upper Room boskote formatuan aurkezten da, Karlos Etxaniz, Santi Romano eta Olatz Otxoa koruetan direla. Taldeak, batez, ere, euskal gospel kantu propioak eskaintzen ditu, baina baita musika-mota honetako abestirik garrantzitsuenak ere.

Azaroan Musika 2018: Elekun Abesbatza.

2018/11/13 18:06
Azaroaren 17an, larunbata, 20:00etan Santikutz abesbatzak sustaturik, Legorretako Elekun abesbatzak kontzertua eskainiko du Legazpiko Parrokian. Emanaldia Santikutz Abesbatzak berak irekiko du.

Hona eskainiko duten egitaraua:

SANTIKUTZ ABESBATZA

The líon sleeps tonight (arreglo J.Dominguez)
Ikusten dezu  (Luis Urteaga)
Goizian argi (Etchahun)
O voso galo comadre (M.Groba)
Shenandoah (american Folksong)

 

ELEKUN ABESBATZA

 AGURRA  (J.L.ANSORENA)

KOMM  (M.ASLUND)

SANCTUS  (I.MOCOROA )

TU NO SABE INGLE  (EMILIO GRENET)

SALIO DE JAMAICA  (M.A.VIRO)

BARATZE BAT  (I.ERKIZIA)

SARATARRA  (J.M.BASTIDA)

ZULU PRAYER ZULU (HERRIKOIA)

 

Zuzendaria: Kepa Mujika

Gaiak