Hemen zaude: Hasiera / Albisteak

Albisteak

“Trikornio txapelketa”, irailaren 22an

2018/09/18 17:42
Irailaren 19ra arte eman ahal izango da izena eta LHko 5. eta 6. eta DBHko 1. eta 2. mailako neska-mutilek parte hartu ahal izango dute. Hauxe Gazteria eta Hezkuntza Sailaren oharra:

Legazpiko Sorgintxulo Aisialdi Taldeak,  Udaleko Euskara, Gazteria eta Hezkuntza zerbitzuek eskatuta,

hamaika ekintza gauzatzen ditu herrian urtean zehar. Datorren larunbatean, irailaren 22an, esaterako, Trikornio txapelketa egingo du; hau da, saskibaloi, eskubaloi eta futbol txapelketa. LHko 5. eta 6. eta DBHko 1. eta 2. mailako ikasleentzat apropos prestatutako txapelketa da. Goizeko 9:30ean hasiko da,  Domingo Agirre ikastetxeko pilotalekuan.  Arratsaldean, 16:00etan, berriro elkartuko dira,  eta ondoren, askaria izango dute.

Ekintzaren helburu nagusia, zehazki, euskaraz hitz egitea eta hainbat kiroletan aritzea da.

Datorren asteazkenera arte, hau da irailaren 19ra bitartean eman ahal izango da izena, herriko 3 ikastetxeetako idazkaritzetan, hau da, Domingo Agirre ikastetxean, Haztegi ikastolan eta Olazabal institutuan.  Parte hartzeko, ezinbestekoa izango da gutxienez, 7 pertsonak eta gehienez, 10ek osatutako taldea izatea.

Esan bezala, Sorgintxulok burututako ekintza hau Haur eta gaztetxoen aisialdian  euskararen erabilera bultzatzeko programaren baitakoa da,  Udaleko Euskara, Gazteria eta Hezkuntza zerbitzuek antolatzen dutena.  Txapelketa hau azken 7 urtetan antolatu da  eta oso arrakasta handia du.  Esaterako iaz 58 lagunek parte hartu zuten 21 neska eta 37 mutil.  Aurreko urteekin alderatuta, nesken parte-hartzea handitu zen. Guztiak animatzen ditugu parte har dezaten, neskak eta mutilak.

Urtea amaitu bitartean, beste hainbat ekintza egingo dituzte:  Euskal Jolasen Festa; Txuri Urdinera irteera; eta abenduan beste irteera bat, Lakiolara txangoa.

Oraindik asko dagoelako lortzeke

2018/09/18 11:35
Buztintegik antolatuta, astelehenero, 11:30ean, elkarretaratzeak egiten jarraituko dute.

Udaletxe aurrean elkartuko dira, astelehenero bezala.

Hotz Legazpik bilera irekia

2018/09/17 16:51
Hotz Legazpik bilera irekia egingo du irailaren 19an, Kultur Etxean, 19:00tan.

Kaixo,

Hotz Legazpi taldeak bilera irekia egingo du irailakren 19an, asteazkenean (Kultur Etxean 19:00etan), Animatzen zaituztegu gerturatu eta gurekin batera hurrengo hilabetetan egingo diren ekimenetan parte hartzea.

Gaur egungo egoerak denon laguntza behar du.

Animatu!

Elkarretaratzea pentsio duinen alde

2018/09/17 16:50
Astelehenero bezala, elkarretaratzea egin dute pentsio duinen alde. Irudia osatu du Luis Mari Muruak. Irakurritako agiria ere bidali digute antolatzaileek:
Elkarretaratzea pentsio duinen alde

Gaurko elkarretaratzea (Luis Mari Murua)

 PENTSIO DUINAK NAHI DITUGU

ELKARRETARATZEA 2018/09/17

Egun hauetan ikusi dugu komunikabide desberdinetan argitaratu dala Euska Administrazio Publikoan lan egiten duten langileei soldatak igo egin behar dizkietela.

Poztu egin gara. Hitzarmen on bat lortuko ahal dute. Gure pentsioak igoerarik gabe gelditzea nahi ez dugun arrazoi berdinen gatik, ez zaigu ongi iruditzen soldata bat edukitzeko lane gin behar dutenenak izoztu izana.

Ez dagokigu guri egin dieten eskeintza aztertzea eta ez dugu egiteko asmorik. Hitzarmen horren baitan egongo diren pertsonak bakarrik dute horretarako eskubidea.

Albistea aipatzen badugu da berari esker, berriro ere, garbi geditu delako, dirua egon badagoela. Oinarrizko galdera da;

Zertarako erabili behar da dagoen dirua?

 

PENTSIO DUINAK NAHI DITUGU.

Buztintegi: sukaldari lehiaketa

2018/09/16 21:38
Ostiralean, urtero bezala, Urola Garaiko hiru zentroen gastronomi lehiaketa egin zuten. Hauxe Buztintegiren oharra:
Buztintegi: sukaldari lehiaketa

Sukaldari guztien argazkia (Buztintegi)

Atzo, urtero bezala, Urola Garai eskualdeko hiru zentroen gastronomi lehiaketa ospatu genuen. Aurten, txahal masaila izan da prestatu beharreko platera. Urretxuko Aterpeko sukaldariak irabazleak irten ziren aurten ere, eta ondorioz gure ordezkariak izango dira hilabete honetako 25ean Altzan ospatuko den lurraldeko lehiaketan.

(Rosario eta Isabel, Aterpe elkartekoak)

Ez zen erraza izan irabazlea aukeratzea, Zumarragako Gure Txokok eta Legazpiko Buztintegik pareko maila erakutsi baitzuten.

Motordun gurpildun aulkiaren erabilera

2018/09/16 21:28
Hauxe da Udalaren oharra:
Motordun gurpildun aulkiaren erabilera

(Legazpiko Udala)

Datorren urriaren 1ean, astelehena, eguerdiko 12etan, Legazpiko Santikutz egoitzan, motordun gurpildun aulkiaren erabilerari buruz argibide desberdinak jakinaraziko dizkigute.
Animatu zaitez eta parte hartu!

Euskaraldia: Legazpiko Hamaikakoaren aurkezpena

2018/09/13 13:20
Euskaraldia ekimenaren barnean, hainbat tokitan egin den bezala, Legazpin ere Hamaikakoa aurkeztuko da. Hamaika legazpiarrek Ahobizi edo Belarriprest izateko eta Euskaraldian parte hartzeko deia egingo dute bertan.
Euskaraldia: Legazpiko Hamaikakoaren aurkezpena

Ekitaldia iragartzeko kartela (klik egin)

Noiz: irailaren 20an, 19:30ean

Non: Elizondo parean

Parte-hartzaileak:

  • Antton Iraeta eta Jone Narbaiza aurkezleak
  • Ane Urzelai eta Ane Arrizabalaga trikitilariak
  • Malen Urbegain kantaria
  • ZingiZango euskara elkartea
  • Koldobike Olabide, Legazpiko Udalaren izenean
  • Legazpiko Euskaraldia lantaldea
  • Eta ekitaldian bertan ezagutaraziko ditugun hamaika herritarrak.

Honekin lotutako informazioa:

  • Ekimenaren aurkezpena Legazpin:

http://www.zingizango.eus/albisteak/aurkezpena-11-egun-euskaraz

  • Legazpiko batzordea martxan:

http://legazpi.euskaraldia.eus/legazpiko-batzordea-martxan/

http://www.zingizango.eus/albisteak/euskaraldia-legazpin-batzordea-martxan

Arma tiro pum!

2018/09/12 18:35
Hauxe da Xegun Altolagirreren gaurko ipuina:

Etxe aurreko lorategiko belarra mozten ari nintzela, belarra mozteko makinak zerbait jo zuen. Makurtu eta belarretan tenkaturik intxaur bat aurkitu nuen. Hau jaso, urrutira bota eta errepidearen erdira erori zela ikusi nuen. Nik eta zuhaitz batetik begira zegoen katagorri batek. Katagorria zuhaitzetik jauzi eta intxaurraren bila abiatu zen orduantxe errepidetik zetorren kotxea bidetik desbideratu araziz. Kotxeak zuhaitzaren kontra jo zuen. Kotxe barrutik tipo handi bat irten zen, amorratuta, hark bazekien nonbait intxaurra nik jaurti nuela eta bizkar aldetik pistola bat aterata niregana zetorren oso keinu itsusiarekin. Baina bidea gurutzatzean kontrako norabidean zetorren kotxe batek harrapatu zuen. Zapla.

Osorik irakurri: http://xegun.eus/arma-tiro-pum/

Agorreko Santikutzetan presoen alde

2018/09/12 08:26
irailaren 14an, 20:00etan, euskal preso politikoen eskubideen aldeko elkarrateratzea antolatu daudaletxearen atzealdean. Hauxe antolatzaileen oharra:

Agorreko Santikutzen baitan, irailaren 14an, 20:00etan, euskal preso politikoen eskubideen aldeko elkarrateratzea burutuko dugu udaletxearen atzealdean. Mobilizazio honen bidez euskal presoen afera behingoz konponbidearen norabidean jartzeko garaia dela aldarrikatzeaz gain, "Orain Presoak" dinamikak urriaren 20an Donostian antolatu duen manifestazioren garrantzia azpimaratu eta bertan parte hartzeko deia zabaldu nahi dugu.

Hona hemen informazio gehiago: http://www.etxerat.eus/index.php/eu/albisteak/1759-orain-presoak-ekainak-2ko-irakurketa

Osasun eta Elikadura Integrala

2018/09/12 08:15
Urriaren 7an hasiko da ikastaroa Lakiola Etxeberri baserrian. Hauxe antolatzailearen oharra eta kartela.
Aldaketa eta berrikuntza asko kontatzeko irrikitan nago! Osasun eta Elikadura Integraleko tailerretako 5. etapa honetan 4 urte eta gero Eboluzionatu dugunari esker.
Berrikuntza garrantzitsuenetakoa 5. etapa honetan gure izenaren aldaketa da. Orain *BIZIKI Osasun Integrala* gara.
Beste berrikuntza oso interesgarria aurtengo Osasun eta Elikadura Integraleko Kurtsoan -% 50eko PROMOZIOA duzula da. 2018ko irailaren 26ra arte duzu aprobetxatzeko Aukera.
Etapa berri honi *urriaren 7an igandean* 10etatik 13:30era *hasiera emango diogu* Lakiola Etxeberri baserrian (Legazpi).
*OHARRA*:  Bidalitako kartelean informazio guztia daukazu.
Zure Bizitza Osasun eta Alaitasunez  Elikatzeko Tailer hauek egiteko Aukera paregabea aprobetxa dezazun da bihotzez desio dudana eta opa dizudana!!
Besarkada bat,
Monika
Gaiak