Hemen zaude: Hasiera / Blogak / Euskaraz? pozik gainera

Urola Garaiko merkataritzan euskara bultzatzeko bloga.

Nola esan euskaraz POMADA POR FUSIÓN

2015/07/14 10:40
Farmazialariek beren eguneroko zereginetarako behar duten oinarrizko terminologia biltzen duen hiztegi berria aurkeztu du FEUSE Farmazialari Euskaldunen Elkarteak.

Hiru corpus nagusi erabili dira iturri gisa hiztegi hau osatzeko: batetik, 2002an UZEIk FEUSErentzat egindako Farmazia Hiztegia; bestetik, EHUko Farmazia Fakultatean euskaraz irakasten diren irakasgaietako materiala; eta, azkenik, ospitalez kanpoko jarduera farmazeutikoan erabiltzen diren arau eta inprimaki nagusien bilduma.

Euskal Herriko Farmazialarien Kontseilua, EHUren Farmazia Fakultatea, Cinfa, DFG eta Nafarco kooperatiba ere partaide izan ditu FEUSEk hiztegi berria plazaratzeko.

Farmazia hiztegia erabiltzeko FEUSE elkartearen webgunera jo behar da edo blog honetako ARLOKAKO HIZTEGIAK atalean topatuko duzu.

Ez erabili euskara euskara bera salbatzeko, erabili ezazue euskara zuek salbatzeko

2015/06/17 12:40
Estitxu Garaik ideia hori azpimarratu zuen, Estitxuk bi hitzaldi eskaini dizkigu Legazpin eta Zumarragan. Iaz euskaraz eman zituen eta aurten euskaraz ez dakiten merkatarientzat gaztelaniaz eman ditu. Hona hemen laburpena.

*Goierriko Hitzan elkarrizketa

Zenbait kontzeptu argitu zituen hasieran

  • MARKETINA: publizitatea baino gehiago da

  • PUBLIZITATEA : pribatua

  • BRANDING: marka egitea

  • HARREMAN PUBLIKOAK: merkatariak berak

  • PROPAGANDA: instituzionala

Branding

  • MARKA: kontsumitzailearen buruan dagoena:

 Markaren identitatea         (hau kontrolatu dezakegu)


 

  Markaren irudia           (Jendearen esperientzia markarekin)


 ENPRESA >>>>>>>>>>>>>>>>>> BRANDING >>>>>>>>>>>>>>>>>>>>>>> KOKAPENA

Markaren inguruan istorioa sortu behar dugu

EZBERDINDU GEHIAGO SALTZEKO

7 P ak

  1. Pertsonala: saltzailea(k)
  2. Plaza: establezimendua bera
  3. Produktua: beharrezkoena
  4. Prozesua: establezimenduan erosteko ibilbidea
  5. Prezioa:
  6. Posizionamendua: kontsumitzaileak pentsatzen duena
  7. Promozioa

EUSKARA ERABILTZEKO MOTIBAZIOA

Ideologikoa                                          sinbolikoa                                                    erreferentziala

Bertakotasuna, gertukotasuna
 
Kalitatea, konfiantza
 
Tradizioa eta modernotasuna

 

EUSKARAREN BALIO SINBOLIKOA



Sinesgarritasuna
Ulergarritasuna
Hunkigarritasuna

AMA HIZKUNTZAREN PERTSUASIOA

 

Merkatari eta ostalarientzako hitzaldia: gehiago saltzeko estrategiak

2015/05/18 11:03
Urola Garaia Mankomunitatearen merkataritzako euskara planaren baitan azken urteotan hitzaldiak antolatu ditugu merkatari eta ostalarientzat. Aurtengoan ere bi hitzaldi antolatu ditugu baina gaztelaniaz. Hizlaria Estitxu Garai izango da, publizitatean aditua. Merkataritzan gehiago saltzea da guztion helburua, eta hitzaldian gehiago saltzeko estrategiak eskainiko dizkigu: komertzialak eta linguistikoak.

Merkataritzan gehiago saltzea da guztion helburua, eta hitzaldian gehiago saltzeko estrategiak aztertuko ditugu: komertzialak eta linguistikoak. Iaz Estitxuk berak hitzaldia eman zigun euskaraz.

 

Bi hitzaldi antolatu ditugu,

  • Lehena Legazpin eta Bigarrena Zumarragan. Lehen hitzaldia Legazpiko udaletxeko pleno aretoan izango da, ekainaren 3an arratsaldeko 15:00etan. Izena eman behar da maiatzaren 29a baino lehen.
    • 943737188; euskara@legazpi.eus

  • Bigarrena Zelai Arizti Kultur etxean ekainaren 10ean arratsaldeko 15:00etan. Izena eman behar da ekainaren 5a baino lehen
    • 943 03 80 88; euskera.ur@urretxu.eus
    • 943 72 91 53; euskara@zumarraga.net


Euskaraz egiten duten establezimenduak ezagutzeko app-ak

2015/04/29 13:20
Euskaraz egiten duten establezimenduen zerrenda ezagutzeko bi aplikazioren berri emango dugu albiste honetan: Egun on eta Mintzatu. Zure establezimendua bertan agertzea nahi baduzu bi aplikazioetan duzu horretarako aukera.

Egun on!

Mapa hau elkarlanean egindako lana da. Bertan, euskaraz bizitzen lagunduko diguten establezimenduak agertzen dira. Oraindik 2100 inguru baino ez ditugu eta askoz gehiago direla badakigu. Zure herri edo auzoko denda, taberna, jatetxe edo enpresaren bat falta bada, idatzi iezaguzu eta bertan gehituko dugu.

 

Mintzatu?

Mintzatu euskaraz hitz egiten den munduko leku guztiak elkarlanaren bidez identifikatzea helburutzat daukan proiektua da. Horrela, gure hizkuntza partekatzeko leku berriak aurkitzera lagunduko dizu.

Zer egin dezaket Mintzaturekin?

Mintzatuk honako gauzetarako balio du:

  • Euskaraz mintzatzen den munduko lekuak bilatzea
  • Euskaraz mintzatzen den leku berriak etiketatzea
  • Zure kokalekua partekatzea eta euskaraz norekin hitz egiten duzun esatea
  • Euskaraz hitz egiteko lagun berriak egitea

Nola funtzionatzen du?

Mintzatu 2 eratan erabil dezakezu:

  • Mintzatu.com webgunetik 
  • Zure iPhone edo Android terminal mugikorretik (oso laster erabilgarri)

Zure aurpegia topatu al duzu mosaikoan? 1.039 daude

2015/03/27 12:00
1.000 argazki baino gehiago bidali dituzue, 1.039 ESKER. Denak jaso eta mosaiko erraldoi batean kokatu ditugu: 2m X 1,20 m. Mosaikoaren aurkezpenak egingo ditugu Legazpin, Urretxun eta Zumarragan. Aurkezpenetan zozketa egongo da mosaikorako argazkia bidali duten guztien artean.

MOSAIKOAREN AURKEZPENAK

 

LEGAZPIN:

Gaur ostirala, hilak 27

arratsaldeko 19:00etan

plazan

 

URRETXUN:

Martxoaren 31n, asteartea,

arratsaldeko 19:00etan

Areizaga-Kalebarren plazan

 

Mosaikoa deskargatzeko klik egin irudiaren gainean

BEHIN BETIKO MOSAIKOA

Blogean atal berria: EUSKARAZ kontsumitu EUSKARA kontsumitu

2015/02/11 10:45
EUSKARAZ dauden hainbat produktu ezagutzera eman nahi dugu atal honetan

Lau produkturen berri eman dugu atal honi hasiera emateko:

EUSKALTERM MUGIKORREAN

HOBELEX ZUZENTZAILE ORTOGRAFIKO ETA LEXIKALA

 

ESAMOLDEAPP

 

ARGAZKIAPP

Zure argazkia falta da. Bi aste dituzu bidaltzeko.

2015/01/29 09:19
Bezero euskaldunak aktibatu nahi ditugu merkataritzan euskara erabiltzeko. Mosaikoan agertuko garen guztiok euskara erabiltzeko tratua egin dugu. Zure argazkia oraindik ez baduzu bidali, otsailaren 13ra arte duzu aukera.

 Ikastetxeak, ikastolak, ospitalea, udalak, eskolak, musika eskolak, argazki elkarteak, musika bandak, bertso eskolak, dantza taldeak, euskaltegiak, Euskara elkarteak, institutuak, txistulari taldeak, merkatariak ... eta banakako asko daude parte hartzaileen artean. Orain arte 900 argazki baino gehiago bildu ditugu ... 

zurea bidali al duzu?

Eskualdeko 14 urtetik gorakoek bidali dezakete bere argazkia 2015eko otsailaren 13ra arte
Parte hartzaileen ardura izango da argazkiaren gaineko jabetza edo eskubidea daukatela bermatzea.
Parte hartzaileek baimena ematen diote Mankomunitateari beraien argazkiak sarean zabaltzeko.

Baietz 1.000 argazki jaso

2014/12/03 12:07
Urola Garaian erosterakoan eta saltzerakoan euskara erabiltzen baduzu edo hemendik aurrera erabiltzeko prest baldin bazaude ZURE ARGAZKIA NAHI DUGU. Zertarako? Argazki mosaiko erraldoi bat egiteko.

Bezero euskaldunak aktibatu nahi ditugu merkataritzan euskara erabiltzeko. Mosaikoan agertuko garen guztiok euskara erabiltzeko tratua egin dugu.

1.000 argazki lortu nahi ditugu eta gure logoa osatuko dugu:

Eskualdeko 14 urtetik gorakoek bidali dezakete bere argazkia 2015eko otsailaren 13ra arte
Parte hartzaileen ardura izango da argazkiaren gaineko jabetza edo eskubidea daukatela bermatzea.
Parte hartzaileek baimena ematen diote Mankomunitateari beraien argazkiak sarean zabaltzeko.

Bideo bat sortu dugu eta UTBn ikusi ahal izango da, gainera baliteke zure whatsappen ere jasotzea.
ARGAZKIAK NORA BIDALI:
whatsapp: 628759948

Eguneko menua euskaraz nahi al duzu?

2014/11/12 13:05
Kazuelatxoak, plater konbinatuak eta eguneko menuak gaztelaniaz topatzen ditugu askotan. Hurrengo asteetan jatetxe eta tabernetan eskainiko dugu laguntza euskaraz ere idatzi ahal izateko.

Legazpi, Urretxu eta Zumarragako jatetxe eta tabernetan bisitak

Ostalaritzan asko dira kafea edo baxoerdia euskaraz eskatzen dituzten bezeroak. Bestalde tabernari askok euskaraz ulertu edo egiten du eta arazorik gabe zerbitzatuko digu eskatutakoa. Menua edo bokadilo zerrenda, aldiz, askotan gaztelaniaz entzun eta irakurtzen dugu.

Urola Garaiko merkataritza eta ostalaritzan euskara sustatzeko planaren barruan urtero egiten diren bisitak egiten hasiko dira hurrengo astean.

Teknikariek katalogo bat banatuko dute establezimenduetan eta jatekoen izenak euskaraz adierazteko baliabideen berri emango dute.

KATALOGOA

 

Gasteizko kanpaina.

Giro onean: milioi bat azukre poltsa kafea euskaraz gozatzeko

Hirugarren urtez, Cafés la Brasileñak "Giro onean" lemadun azukre poltsak banatuko ditu, Gasteizko Udalak eta Arabako Foru Aldundiak ostalaritzan euskara sustatzeko abian duten kanpainarekin bat eginik

JG Kafetegiko arduradunak euskaraz eskatzearen eta zerbitzua euskaraz eman ahal izatearen garrantzia azpimarratu du. Gasteizen horretarako aukera egotea bezeroek asko eskertzen dutela eta horren alde lanean jarraitu beharra babestu du.

 

Gipuzkoako tabernetan euskara sustatzeko kanpaina bat abiarazi dute

Gipuzkoa Ostalaritza elkarteak, Cei taldearen eta Gipuzkoako Foru Aldundiaren laguntzarekin, "Mintzo eta pintxo" ekimena jarri du martxan, pintxo poteetan tabernetan eta kaleetan euskararen erabilera sustatzeko helburuarekin. Kanpainak euskara giro lasaian erabiltzeko aukera eskaini nahi die ostalariei zein bezeroei, modako bihurtu den pintxo potearen fenomenoaz gozatuz.

TXINAN zein hizkuntzatan saldu?

2014/09/17 13:05
Denda, taberna edo negozio txiki bat martxan jartzerakoan hainbat eta hainbat gai hartu behar dira kontuan. Hizkuntza ere garrantzitsua da, Alemanian edo Txinan saltzeko hobe duzu alemanera edo txinera jakitea, saltzeko ingelerak ez du balio, erosteko agian bai.

Galdera hori egin zigun Mikel Irizarrek 2013an eman zigun hitzaldian. Erosteko baliteke edozein hizkuntza erabili ahal izatea, baina saltzeko kalitatea da giltzarri. Kalitatean hizkuntza sartzen da. Bezeroa nahi duen hizkuntzan ez badugu atenditzen kalitate galera dago. Profesional ona > bezeroaren hizkuntzan.

Urola Garaia Mankomunitatea osatzen duten herrietako (Ezkio-Itsaso, Urretxu, Zumarraga eta Legazpi) udaletan eta UGGASA Garapen Agentzian establezimendu berriak irekitzeko informazioa eskatzera joaten den pertsonari karpeta bat emango diote. Karpetan honako informazioa dago:

  • Establezimenduan euskara erabiltzeko arrazoiak
  • Mankomunitateko udaletan euskararen erabilera errazteko ematen diren laguntzak: itzulpenak, kartelak, materiala
  • Diru laguntzak
  • Euskaraz? Pozik gainera! blogean eskaintzen den laguntza eta materialaren informazioa.

Karpeta nahi izanez gero hemendik deskargatu dezakezu, GUK POZIK LAGUNDUKO DIZUGU atalean