Hemen zaude: Hasiera / Blogak / Euskaraz? pozik gainera

Urola Garaiko merkataritzan euskara bultzatzeko bloga.

Atera selfie zure dendariarekin

2016/11/30 09:15
Zure dendariari euskaraz erosten badiozu eta berak euskaraz saltzen badizu: ATERA SELFIE ZURE DENDARIAREKIN

tarjetoia

*Selfietarako KARTOIA ez badaukazu zure herriko euskara zerbitzuan eskatu ezazu edo honen gainean klik egin eta deskargatu

  • Kanpainako bideoa:

  • Selfie edo argazkia BEZEROAK atera behar du.
  • Bezero bakoitzak nahi adina selfie bidali ahal izango du, establezimendu bakoitzeko bat.
  • Merkatariek ere bidali ahal izango dituzte, baina bezero diren establezimenduetakoak, ez bere dendakoa.
  • Argazkia Whatsapp-ez edo e-mailez bidali beharko dira.
  • Argazkiarekin batera bezeroaren telefonoa eta estableziomenduaren izena bidali behar dira.
  • Kanpainaren bukaeran sariak zozketatuko dira.

pozikgainera@gmail.com

whatsapp: 628759948

Hona hemen SALek eta EROSek bidalitako selfie.

OHARRAK:

  • Urola Garaia eskualdeko 18 urtetik gorako edonork bidali dezake bere argazkia
  • Parte hartzaileen ardura izango da argazkiaren gaineko jabetza edo eskubidea daukatela bermatzea
  • Parte hartzaileek baimena ematen diote UrolaGaraia Mankomunitateari beraien argazkiak sarean zabaltzeko

 

 

Kalkulagailu zientifikoa euskaraz erabili nahi duzu?

2016/10/25 09:23
Gaur egun hainbat produktu euskaraz aurki daiteke: telefono mugikorrak, app-ak, ordenagailurako programak edo sistema eragileak, zuzentzaile ortografikoak, kalkulagailu zientifikoak ... Urola Garaiko merkataritzan euskararen erabilera handitzeko planaren barruan bezeroak euskaraz eta euskara kontsumitzeko aktibatu nahi ditugu eta produktu hauetako batzuen berri eskualdeko ikastetxeetara bidaltzen ditugu guraso eta gaztetxoen artean zabaltzeko.

Euskaraz hitz egiten duten kalkulagailu zientifikoen berri eman dugu ikastetxeetan hil honetan. Produktu hauei buruzko informazioa EUSKARAZ KONTSUMITU KONTSUMITU EUSKARAZ ATALEAN gorde ditugu.

2016-2017 merkataritza kanpainarako txartelak banatzen hasi gara

2016/09/14 13:15
Merkataritzan euskara bultzatzeko kanpaina euskararen egunean abiatuko da eta Aste Santura arte iraungo du. Gaur hasi gara kanpainarako txartelak banatzen Legazpi, Urretxu eta Zumarragako dendetan.

Aurtengo kanpainan dendariak eta bezeroak elkarrekin argazkia atera beharko dute (SELFIE), txartela eskuetan dutela. Dendariak “nik euskaraz saltzen dizut” eta bezeroak “nik euskaraz erosten dizut” mezua erakutsiko dute txartelean.

Sari ugari izango dira eta, dagoeneko, argazkiak bidal daitezke

628759948 whatsapp-zenbakira edo

pozikgainera@gmail.com helbidera.

 

Aurkezpena eta informazio zehatza abendu hasieran egingo da, euskararen egunaren inguruan.

Legazpiko merkatariak FACEBOOKen

2016/05/24 12:43
Maiatzaren 18an Edurne Gonzalez EMUNeko komunikazio arduradunak Facebooki buruzko tailer bat gidatu zuen Legazpin. Hamabost merkatari hurbildu ziren eta ikusi ahal izan genuenez gai honek interes handia sortzen du establezimenduen arduradunen artean.

 

 Hona hemen tailerraren laburpentxoa:

  • Markaren orrialdea sortu, ez erabili zure orri pertsonala negozioaren orri gisa

  •  Facebooken zertarako egon?  kontua sortu baino lehen argi eta garbi izan behar dugu zertarako egon nahi dugun sare sozial horretan: gure negozioa eta marka ezagutarazteko, gure produktuen berri emateko, bezero eta hornitzaileekin harremanetan egoteko, jendearen beharrak eta interesak ezagutzeko, eskaintza eta sustapenen bidez bezeroak fidelizatzeko …

Aztertu zure orria:

  • Irudia: zure establezimenduaren berri ematen duen irudia erabili. Atal estatikoetan euskara ere erabili.
  • Bezeroari zuzentzen zaizun hizkuntzan erabili.
  • Partekatzeak egin mezuaren jatorrizko hizkuntzan
  • Zaindu hizkuntza kalitatea
  • Logoa: logoa baldin baduzu orriaren hasieran jarri ezazu, karratua izatea komeni da
  • Argitaratzen dituzun albisteen atsegin dut-ak jarraitu itzazu
  • Maiztasuna: saiatu maiztasuna mantentzen. Ez da ona egunean 8 albiste argitaratzea edo 10 egunetan ez argitaratzea ezer. Garai batean lan asko baduzu utzi albisteak prest eta programatu noiz argitaratuko diren.
  • Argazkiak: argazkiak eta bideoak oso erakargarriak dira. Zuk sortutakoak badira hobe. Herriko jendea agertzen bada hobe. Kontuz adin txikikoekin eta copiright duten argazkiekin.
  • Hizkuntza: dena ez da euskaraz eta gaztelaniaz argitaratu behar. Ez erabili beti itzulpen zuzena (gaztelaniaz eta euskaraz gauza bera esan). Atsotitzak eta kaleko espresioak erabili.
  • Herriko merkatarien edo lagunen artean elkarlana erabili: atsegin dut gehiago lortzeko, partekatzeko …

  • Zure orrialdearen jarraipena egin: estatistikak botoian klikatu eta informazio asko lortuko duzu.

Nola erabili Facebook bezeroek gure komertzioa ezagutzeko? Merkatarientzat tailerra

2016/05/10 09:50
Nola sortu ditzaket mezu potenteak euskaraz? Euskara eta gaztelaniaz biak batera jarriko ditut? Mezu bera bi hizkuntzetan errepikatuko dut?

Merkatari eta ostalari askok erabiltzen duzue Facebook eta beste sare sozialak. Sare sozialetan zer egin eta nola jokatu behar dugun ez digute eskolan irakatsi, normalean bakoitzak bere esperientziaren arabera funtzionatzen du.

Edurne Gonzalez legazpiarra, EMUNeko komunikazio arduraduna izango dugu tailer hau gidatzeko. Bertan gai hauek aztertuko ditugu:

  • Euskara eta gaztelaniaren erabilera: mezu guztiak bi hizkuntzetan argitaratu behar al ditugu?, bata euskaraz eta bestea gaztelaniaz? bezeroak erakartzeko mezu potenteak nola sortu?
  • Parte hartzaileok gure esperientzia partekatuko dugu.

Tailerrean parte hartzeko izena eman behar da

943737188 

 euskara@legazpi.eus

Tailer bera Urretxun ere izango dugu ekainaren 1ean, 15:00etan, kultur etxean

 

Sari banaketa ekitaldia hilaren 28an Zelai Ariztin

2016/04/20 10:34
Kanpainaren bukaera ekitaldian 50 euroko 30 erosketa txartel banatuko ditugu Zelai Ariztin, apirilaren 28an, 13:30ean. Ekitaldian mankomunitateko lehendakariak eta Urretxu zein Zumarragako alkateek parte hartuko dute, Zintzo-Mintzo eta ZingiZango euskara elkarteetako ordezkariekin batera.

Sari banaketara erosketa txartela jasoko duten 30 herritarrak gonbidatu ditugu.
Txartel bakoitza zein establezimendutan gastatu beharko den ere zozketa bidez erabaki dugu. Beraz, 30 establezimendu horiek ere gonbidatu ditugu.

Erosketa txartela jasoko dituzten 30 herritarrak 2015. urtetik osatzen ari garen mosaikotik atera ditugu, zozketa bidez.

Argazkia bidali dituzten establezimenduen artean zozketa egin dugu erosketa txartelak non gastatu beharko dituzten erabakitzeko. Merkatari, ostalari eta zerbitzu establezimenduetako arduradunek bidalitako argazkiekin diaporama bat osatu dugu.

99 establezimendu eta 360 herritar euskaraz merkataritzan

2016/04/06 12:17
2015eko abenduaren 3tik egindako kanpainan jaso ditugun argazkiak. Argazki mosaikoa handitzeko 360 argazki jaso ditugu e-mailez eta Whatsappez. Merkatariei establezimenduaren argazkia eskatu diegu. Argazkian establezimenduaren izena eta euskara ikustea eskatu diegu, 99 argazki lortu ditugu guztira. Argazkia bidali diguten herritarren artean 50 euroko 30 erosketa txartel zozketatu ditugu argazkia bidali diguten establezimenduetan gastatzeko.

2016ko mosaikoan 1.400 argazki daude. Deskargatzeko egin klik irudiaren gainean.

1.400 herritar hauen artean 30ek 50 euroko erosketa txartel bat irabazi dute. Telefonoz deituko diegu.

ESTABLEZIMENDU SARITUAK

30 herritar horiek bere herriko denda zehatz batean gastatu beharko dituzte erosketa txartelak. Hau ere zozketa bidez erabaki dugu.

LEGAZPI URRETXU ZUMARRAGA
Peñi estetika Ikus Marlo
Ruth Lorategia Zerki Muskari Loradenda
Jokine lentzeria Izarra arrandegia Oskarbi oinetakoak
Zuzen zerbitzu grafikoak Pakita eta Josetxo harategia ATA  (Aranburu ta Amilleta) harategia
Algar Titare mertzeria INTERSPORT_LORAMENDI
Motx eta Ni Berriki oinetakoak Josune Janari denda
Poxpolin Hamahiru Kuxkux
Korosti kafea Aitxu Lanbroa belar denda
Eder Lentzeria Aixa Urdangarin burdindegia
Ibargutxi Kirolak Argizti optika Alex Kirolak

Merkatari edo bezero: zure argazkia bidali al duzu?

2016/02/24 12:10
Otsailarekin batera bukatuko da argazkiak bidaltzeko epea. BEZEROAK: euskaraz erosteko prest dauden guztiek bidal dezakete argazkia. MERKATARI ETA OSTALARIAK: establezimenduan ahoz edo idatziz euskara erabiltzeko ahalegina egiten dutenek bidal dezakete. Denon artean 1.500 € banatuko ditugu 50 €-ko erosketa bonoetan.

BEZEROAK:

Jasotzen ditugun argazkiak mosaikoan txertatuko ditugu.

MERKATARI, OSTALARI ETA ZERBITZU ESTABLEZIMENDUAK

Argazkiak hemen ikus ditzakezue.

Facebook-en ere orrialde bat sortu dugu eta bertan ikus daitezke argazkiak

 

50 € irabazi nahi al duzu? Bidali zure argazkia otsaila bukatu baino lehen

2016/02/12 10:35
Urola Garaiko merkataritzan euskararen erabilera handitzeko asmoz 2016an bi kanpaina egiten ari gara, bata merkatarientzat eta bezeroentzat bestea. Bi kanpainetan argazkiak jasotzen ari gara. 50 € irabazi ahal izateko argazkia bidali behar da. *Epea otsaila bukatu arte luzatu dugu.

LEGAZPI, URRETXU ETA ZUMARRAGAN zozketak

Herri bakoitzean 50 €-ko 10 txartel zozketatuko ditugu. Zozketa:

  • Argazkia bidali duten bezeroen artean herri bakoitzean 10 aukeratuko ditugu zozketa bidez
  • Argazkia bidali duten establezimenduetan gastatuko dituzte txartelak, zozketa bidez aukeratuko ditugu establezimenduak

 

BEZEROAK:

Mosaikoa handitzeko bezeroen argazkiak nahi ditugu

ESTABLEZIMENDUAK

Establezimenduen argazkiak nahi ditugu. Argazkietan euskara ikusi behar da.

50 € irabazi nahi al duzu?

2016/01/05 10:55
Bidaliguzu zure argazkia eta zozketan parte hartuko duzu. Eskualdeko herri bakoitzean 50 €-ko 10 erosketa txartel dauzkagu banatzeko.

Martxoan argitaratutako mosaikoan zure aurpegia ez badago, egin argazki bat eta bidaliguzu.

Mosaikoan zure aurpegia baldin badago, bilatu ez dagoen norbait eta egiozu argazkia.

Mosaikoan dauden aurpegi guztien artean zozketa egingo eta 30 lagunek jasoko dute 50 €-ko txartela hainbat dendetan gastatzeko.

pozikgainera@gmail.com

whatsapp: 628759948